Library Khmer

ទម្លាប់៦យ៉ាងអាចកាត់បន្ថយស្រ្ដេសបានយ៉ាងងាយ

សម្ពាធការងារ ការសិក្សា គ្រួសារ និងជីវិតរស់នៅប្រចាំថ្ងៃអាចឲ្យមនុស្សកើតជម្ងឺស្ដ្រេសបានយ៉ាងងាយ។ តាមការស្រាវជ្រាវរបស់អ្នកវិទ្យាសាស្រ្ដបានបញ្ចាក់ថាទម្លាប់៦យ៉ាងក្រោមអាចឲ្យអ្នកកាត់បន្ថយស្រ្ដេសបានយ៉ាងងាយ។

១. កំណត់ត្រាប្រចាំថ្ងៃ

ការសរសេរកំណត់ត្រាប្រចាំថ្ងៃអាចជួយអ្នកកាត់បន្ថយស្រ្ដេសបាន ដោយអ្នកគ្រាន់តែសរសេររឿងដែលអ្នកសប្បាយចិត្ដដាក់ក្នុងសៀវភៅកំណត់ត្រារបស់អ្នក។ រាល់ពេលដែលអ្នកមានអារម្មណ៍ថាស្មុគស្មាញចូលទាញសៀវភៅកំណត់ហេតុរបស់អ្នករួចកត់ត្រាអ្វីដែលចង់ចាំក្នុងសៀវភៅនោះ។

២. ការអាន

អានអ្វីដែលអ្នកចូលចិត្ដអាចកាត់បន្ថយស្រ្ដេសបានមួយកម្រិត។ តាមការសិក្សារបស់អ្នកវិទ្យាសាស្រ្ដបញ្ចាក់ថាការចំណាយពេលអានសៀវភៅចំនួន៦នាទី ពិតជាអាចកាត់បន្ថយបានមែន។

៣. រាំ

ការបញ្ចេញកាយវិការតាមបទចម្រៀងក៏ជាផ្នែកមួយដែលអាចឲ្យអ្នកកាត់បន្ថយស្ដ្រេសបានដែរ។ ការរាំតាមបទចម្រៀងដែលចួលចិត្ដ មិនថាបទញាក់ឬបទស៊្លូនោះទេ វាមិនត្រឹមតែកាត់បន្ថយស្រ្ដេសប៉ុណ្ណោះទេ តែថែមទាំងបានហាត់ប្រាណទៀតផង។

៤. យូហ្គា

យូហ្គាជាលំហាត់ម្យ៉ាងតម្រូវឲ្យអ្នកមានការតាំងចិត្ដខ្ពស់។ ការហាត់បែបនេះ មិនត្រឹមតែជួយដល់សមាធិផ្លូវចិត្ដប៉ុណ្ណោះទេ អ្នកក៏កាត់ស្រ្ដេសផងដែរ។

៥. រៀបចំសួនច្បារ

ការដាំដុះរុក្ខជាតិមិនត្រឹមតែជួយឲ្យភពផែនដីមានភាពស្រស់បំព្រងប៉ុណ្ណោះទេ តែវាក៏ជួយឲ្យអ្នកមានអារម្មណ៍ល្អផងដែរ ។

៦. ការចម្អិនអាហារ

ការចម្អិនអាហារអាចធ្វើឲ្យអ្នកមានអារម្មណ៍ល្អបាន ចូរចម្អិនអាហារដែលអ្នកចូលចិត្ដឲ្យបានច្រើន។

មនុស្សជោគជ័យគេមិនធ្វើចំណុចទាំងអស់នេះទេ!

idea share 3:30 AM bossy , courageous , desire , excuse , fear , humble , open-minded , perfectionism

មនុស្សជាច្រើនគិតថា ដើម្បីទទួលជោគជ័យក្នុងជីវិត ពួកគេត្រូវចាប់យកអ្វីដែលថ្មីនិងទម្លាប់មួយ ចំនួន ដែលអាចជាស្ពានចម្លងទៅកាន់គោលដៅ ប៉ុន្តែពួកគេមិនបានគិតថា ដើម្បីផ្លាស់ប្តូរខ្លួនឲ្យល្អ និងទទួលយកអ្វីថ្មីនោះ ត្រូវផ្លាស់ប្តូរទម្លាប់ចាស់សិននោះទេ។ ចំណុចទាំង៨ខាងក្រោមនឹងអាចផ្តល់ជាគំនិតខ្លះជួយអ្នកទៅកាន់ភាពជោគជ័យ ៖

Photo Credit : Life Advancer

១. លុបចោលចរិតកុហកគេនិងខ្លួនឯង
អ្នកជោគជ័យភាគ ច្រើនមិនចូលចិត្តទម្លាក់កំហុសទៅលើអ្នកដទៃ ជាពិសេសសមាជិកគ្រួសារ មិត្តភក្តិ និងអ្នកនៅជំុវិញខ្លួននោះទេ។ ដោយឡែកពួកគេយកកំហុសមកសិក្សា និងមិនធ្វើអោយវាប៉ះពាល់ដល់អ្នកដែលជ្រោមជ្រែងខ្លួនឡើយ ផ្ទុយទៅវិញគឺទទួលស្គាល់ចំណុចអវិជ្ជមានទាំងនោះដោយភាពក្លាហាន។

២. លុបចោលការចង់បានភាពល្អឥតខ្ចោះ
គ្មាននរណាម្នាក់ល្អគ្រប់ដប់នោះទេ។ កំុភ័យរឿងធ្វើខុសព្រោះបើមិនធ្វើខុសទេ នោះយើងក៏មិនដឹងថាខ្លួនអាចធ្វើបានដែរឫអត់នោះទេ។ កំុខ្វល់ពីពាក្យសម្តីរិះគន់ ដែលបង្អាក់ការលូតលាស់ ហើយកំុចាំតែល្អឥតខ្ចោះ។ ចូរចាប់ផ្តើមចាប់ធ្វើធ្វើពេលនេះ។

៣. ឈប់ភ័យ
កំុភ័យនឹងទទួលយកអ្វីថ្មី កំុភ័យនឹងខ្លាចគេមិនពេញចិត្ត ហើយកំុភ័យនឹងការបញ្ចេញមតិរបស់ខ្លួនឯង។ ចង់ដឹងគំរោងរបស់ខ្លួនជោគជ័យឬអត់ ត្រូវអោយគេដឹងជាមួយជំហររឹងបឹុងរបស់ខ្លួន។

៤. បំបាត់ចោលចរិតចង់គ្រប់គ្រងអ្វីគ្រប់យ៉ាង
គ្មានមនុស្សណាអាចគ្រប់គ្រងអ្វីទាំងអស់នោះទេ ដូចជាក្នុងក្រមហ៊ុនមួយអញ្ចឹង ត្បិតតែមានម្ចាស់ក៏ពិតមែនតែនៅមានអ្នកកាន់តាមផ្នែកផ្សេងៗទៀត។ កុំគិតពីការគ្រប់គ្រងតែម្នាក់ឯងច្រើនពេក អ្នកត្រូវបន្ថយភាពតានតឹងដើម្បី ទុកកម្លាំងទៅមុខទៀត។

៥ កំុគិតថាគំនិតខ្លួនល្អគ្រប់ពេល
រៀនទទួលយកគំនិតអ្នកដទៃមកប្រៀបធៀបគំនិតខ្លួនឯង ហើយជ្រើសយកអ្វីដែលល្អនិងចោលអ្វីដែលមិនល្អ។ ព្យាយាមស្រូបយកគំនិតថ្មីៗ សិក្សាពីវាហើយចងចាំវាទុក។

៦. បំបាត់ការចង់បានអ្វីភ្លាមៗ
គ្មានអ្វីដែលធ្វើភ្លាមហើយជោគជ័យភ្លាមទេ កំុប្រញាប់ប្រញាលពេក ធ្វើវាមួយៗសន្សឹមៗតាមសម្រូល ដោយមានគម្រោងជាក់លាក់។ ការជោគជ័យគឹបានមកដោយការសន្សំបន្តិចម្តងៗ វាគង់តែបានផលទេ គ្រាន់តែយូរហើយឆាប់ ។

៧. បំបាត់មនុស្សដែលនាំតែទុក្ខ
ក្នុងដំណើរជីវិតមានមនុស្សច្រើនណាស់ដែលចូលមកក្នុងជីវិតយើង មានខ្លះល្អ ខ្លះយ៉ាប់ ខ្លះនាំតែទុក្ខ ដូច្នេះគួរស្វែងយល់ពីមនុស្សទាំងនោះ ហើយឈប់ខ្វល់ពីអ្នកដែលធ្វើអោយជិវិតយើងសៅហ្មង។

៨. ឈប់ទទួលយកសំណើនៅពេលដែលចិត្តមិនចង់
កំុគិតថាខ្លួនឯងជាវីរជនសំរាប់អ្នករាល់គ្នា យើងត្រូវមើលផងថាតើយើងមានពេល ឬ សមត្ថភាពនឹងទទួលយកសំណើដែលគេពឹងពាក់ដែលទេ បើអត់ឆ្លើយថាអត់ បើមិនចង់ប្រាប់គេតាមនោះ ព្រោះការធ្វើដោយបង្ខំ វាមិនផ្តល់នូវលទ្ធផលល្អទេ វាអាចនឹងអាប់មុខទៅវិញ ។

អត្ថបទដោយ ៖ ហ៊ុន កែវលីដែត

ផែនទីពិភពលោកថ្មីខុសពីផែនទីចាស់ម៉េចខ្លះ?

idea share 3:00 AM Invention , ំmap , Technology

វិស្វករជប៉ុនលោក Hajime Narukawa បានផលិតផែនទីថ្មីមួយដែលបញ្ជាក់ពីទីតាំងនិងទំហំនៃទីតាំងនិមួយៗ មានភាពត្រឹមត្រូវបំផុត។ លោកហៅផែនទីនោះថា AuthaGraph World Map។

ផែនទីចាស់ដែលបង្កើតនៅសតវត្សទី១៦បានពង្រីកទឹកដីនៅហ្គ្រីនលេនឲ្យធំជាងការពិត ហើយទីតាំងមួយចំនួននៅអាហ្វ្រិកបែរជាតូចទៅវិញ។

ដូច្នេះផែនទីថ្មីរបស់វិស្វករជនជាតិជប៉ុនរូបនេះ បានធ្វើឲ្យទីតាំងទាំងនេះមានភាពត្រឹមត្រូវ។ គួរបញ្ជាក់ផងដែរថា គំរោងរបស់លោកបានទទួលពានរង្វាន់ការរចនាដ៏ល្អបំផុតកាលពីឆ្នាំ២០១៦ផងដែរ។

អត្ថបទដោយ៖ សាម សុជាទិញ

ប្រភពអត្ថបទ៖ Indi100.com

កំហុសមួយចំនួនដែលតែងតែកើតឡើងពេលសន្ទនា

idea share 3:00 AM avoid , conversation , Mistake

ជារៀងរាល់ថ្ងៃ ការសន្ទនា ឬ ការនិយាយគ្នាជាមួយនរណាម្នាក់តែងតែកើតមានឡើងជាប្រចាំ។ ពេលខ្លះ វាជាការសន្ទនាដែលមានរយៈពេលវែង ហើយពេលខ្លះទៀតមានរយះខ្លី។ ទន្ទឹមនឹងនេះ ការសន្ទនារបស់យើងនីមួយៗតែងតែមានកំហុសដែលកើតឡើងដោយចេតនា និងអចេតនា។ នេះគឺជាចំនុចមួយចំនួនដែលបង្ហាញថាអ្នកមានកំហុសនៅពេលដែលអ្នកកំពុងតែធ្វើការសន្ទនា :

១. ចូលចិត្តតម្រង់ទៅតែបញ្ហាអវិជ្ជមាន
ជានិច្ចជាកាល បញ្ហាអវិជ្ជមានរបស់នរណាម្នាក់ ឬក៏អ្វីមួយតែងតែជាទីចាប់អារម្មណ៍នៅពេលដែលមានបទសន្ទនាណាមួយឈានចូលមកដល់។ មែនទែនទៅ វាជារឿងមិនល្អមួយ ដែលអ្នកមិនគួរគម្បីលើកឡើងយកមកនិយាយ ពីព្រោះថាប្រធានបទបែបនេះ មិនបានផ្តល់ប្រយោជន៏ដល់សន្ទនានោះសូម្បីតែបន្តិច ហើយផ្ទុយទៅវិញវាកាន់តែបង្កើនភាពស្មុគស្មាញនៅក្នុងគំនិតរបស់អ្នក។

២. សួរសំនួរច្រើនពេក
ជាក់ស្តែង ការលើកឡើងជាសំនួរច្រើននៅពេលមានបទសន្ទនាណាមួយវាគឺជារឿងមួយល្អក្នុងការបង្កើនចង្វាក់សន្ទនាអោយកាន់តែមានភាពល្អប្រសើរ។ តែយ៉ាងណាមិញ ការលើកឡើងជាសំនួរច្រើនពេក អាចប្រឈមមុខនឹងសញ្ញាណអវិជ្ជមានច្រើន។ អវជ្ជមានដោយសារតែ ពេលខ្លះដៃការសន្ទនារបស់អ្នកមានភាពហត់នឿយ និងធុញធប់នៅក្នុងការឆ្លើយនូវសំនួរដ៏ច្រើនរបស់អ្នក ពីព្រោះថាពួកគេក៏ចង់លឺការចែកចាយ និងសំដីរបស់អ្នកក្នុងការសន្ទនានោះផងដែរ។

៣. អត់យកចិត្តទុកដាក់ស្តាប់
ការដែលភាគីម្ខាងទៀត កំពុងតែផ្ចង់ និងយកចិត្តទុកដាក់ក្នុងការនិយាយ ហើយភាគីម្ខាងទៀតបែរជាមិនបានយកចិត្តទុកដាក់ស្តាប់ នេះគឺជាកំហុសដ៏ធ្ងន់ធ្ងរមួយនៅពេលដែលមានការសន្ទនាណាមួយ។ ធ្ងន់ធ្ងរដោយសារ តែវាធ្វើអោយអ្នកដែលកំពុងសន្ទនាជាមួយអ្នកមានអារម្មណ៍ថាគេកំពុងនិយាយតែម្នាក់ឯង ពោលទង្វើរនេះបានបំបាក់ទឹកចិត្តអ្នកដែលកំពុងនិយាយជាខ្លំាង។

អត្ថបទដោយ៖ ព្រឿន បញ្ញារី

តិចនិចរើសពណ៌ក្រែមឲ្យត្រូវនឹងអាយុ ទម្រង់មាត់ និងពេលវេលា

idea share 3:00 AM beautiful , Lipstick , Mouth , sexy , shape

មុខគឺជាផ្នែកមួយដ៏សំខាន់សម្រាប់មនុស្សគ្រប់គ្នា ពីព្រោះវាជាចំនុចដែលយើងកត់សម្គាល់បានមុនគេ។ ដូច្នេះសម្រាប់ស្ត្រីមិនថាវ័យណានោះទេ ការតុបតែងមុខគឺជារឿងមួយដែលមិនអាចចៀសបានឡើយ។ ថ្ងៃនេះអត្ថបទយើងនឹងផ្តោតសំខាន់ទៅលើវិធីសាស្រ្តជ្រើសរើសពណ៌ក្រែមសម្រាប់ស្ត្រីគ្រប់គ្នាដែលលោកអ្នកគួរតែអាន។

បបូរមាត់តូចស្តើង សាកសមនឹងពណ៌ក្រែម ផ្កាឈូក ឈាមជ្រូកស្រាល និង ពណ៌ទូទៅដែលស្រាលៗ។ ពណ៌ដែលត្រូវចៀសវាងគឺពណ៌ក្រហម ក្រហមដិត ស្វាយដិត និង ពណ៌ដែលស្រដៀងៗនឹងពណ៌ត្នោត។ លោកអ្នកគួរធ្វើការគូរទម្រង់បបូរមាត់ជាមុនសិនដើម្បី ទទួលបានទម្រង់ដែលស្រស់ស្អាតហើយការគូរនេះគប្បីរើសយកខ្មៅដៅគូសដែលមានពណ៌ដូចគ្នានឹងពណ៌មាត់ពីធម្មជាតិរបស់អ្នក។

បបូរមាត់ពេញ គួរសាកល្បងក្នុងការជ្រើសរើសពណ៌ក្រហម ពណ៌ផ្កាឈូកស្រទន់ៗ ពណ៌ផ្លែប៊ឺរី និង ពណ៌ផ្កាត្របែកព្រៃ។ សម្រាប់ប្រភេទបបូរបែបនេះ មិនមានពណ៌ណាដែលត្រូវចៀសវាងនោះទេ។ ប៉ុន្តែលោកអ្នកដែលមានបបូរបែបនេះគួរកុំលាបក្រែមរលោងពាសពេញមាត់នោះទេ យកល្អគួរតែលាបវានៅចំពាក់កណ្តាលនៃបបូរមាត់។ ស្រ្តីគ្រប់រូបក៏មិនចាំបាច់គូរត្រេបបូរមាត់ដែរចំពោះបបូរមាត់ដែលមានទម្រង់បែបនេះ។

ពណ៌ក្រែមសម្រាប់ពេលថ្ងៃ

ស្រ្តីគ្រប់រូបមិនគូរជ្រើសរើសលាបក្រែមពណ៌ដិត និង ពណ៌ងងឹតពេកទេសម្រាប់ពេលថ្ងៃនិងរសៀល។ ផ្ទុយមកវិញលោកអ្នកគួរលាបក្រែមពណ៌ផ្កាឈូក ពណ៌ផ្លែប៉េះ និងប៊ឺរី ជាដើម។

ពណ៌ក្រែមសម្រាប់ពេលយប់

មនុស្សស្រីទាន់សម័យចេះតុបតែងខ្លួនទៅតាមកាលៈទេសៈគឺជាគុណសម្បត្តិមួយរបស់ពួកគេ។ ការជ្រើសរើសពណ៌ក្រែមឲ្យត្រូវទៅតាមពេលវេលាក៏ជាអ្វីដែលមិនអាចមើលរំលងដែរ។ ដូច្នេះសម្រាប់ពេលយប់ មិត្តៗនារីគួរលាបក្រែមពណ៌ក្រហមភ្លឺ ផ្កាឈូកភ្លឺ ត្របែកព្រៃ និងពណ៌ឈាមជ្រូកទើបមើលទៅសាកសម និង ស្រស់ស្អាត។

ពណ៌ក្រែមសម្រាប់យុវវ័យ

ប្រភេទពណ៌ដែលគួរប្រើប្រាស់គឺ ពណ៌ផ្កាឈូក ផ្លែប៉េះ និងពណ៌ដែលថ្លាៗមិនដិតខ្លាំង ហើយពណ៌ដែលមិនគួរប្រើប្រាស់គឺ មិនគួរជាពណ៌ដែលងងឹតពេកទេ។

ពណ៌ក្រែមសម្រាប់ស្ត្រីវ័យ២០ឆ្នាំដល់២៩

ពណ៌ដែលគួរតែទិញយកមកប្រើប្រាស់មានដូចជា ពណ៌មាស ផ្កាឈូកបែកស្វាយ ប៊ឺរី និង ក្រហមភ្លឺ។

រៀបរៀងដោយ ជិន ស្រីលាភ
ប្រភព allwomenstalk.com

អ្វីដែលអ្នកត្រូវតែដឹងពីមនុស្សចូលចិត្តញញឹុមច្រើន

idea share 6:00 PM care , Friend , Fun , ignorance , sadness , smile

នៅពេលដែលអ្នកជានារីដែលចូលចិត្តញញឹមច្រើន៖ ស្នាមញញឹមរបស់អ្នកនឹងអាចបិទបាំងនូវការពិតជាច្រើនដែលមានក្នុងចិត្តអ្នក។ អ្នកដែលទើបតែស្គាល់អ្នក ដែលពេលខ្លះអ្នកមួយចំនួនដែលស្គាល់យូរហើយនោះ ក៏មិនសូវយកចិត្តទុកដាក់នឹងការសួរពីសុខទុករបស់អ្នកទេ។

តាមស្នាមញញឹមអ្នក ធ្វើអោយអ្នកនៅជំុវិញខ្លួនតែងគិតថាអ្នកគ្មានទុកកង្វល់ក្នុងចិត្ត តែងសប្បាយមិនខ្វល់នឹងបញ្ហាមួយចំនួននោះទេ ។

Photo Credit: Daily Mail

នៅពេលដែលអ្នកគឺជាមនុស្សញញឹមច្រើន៖ គេគិតថាអ្នកតែងមិនចេះខឹង អ្នកមិនចេះគំុនរណា អ្នកតែងអនុគ្រោះរាល់គំហុសដែលគេធ្វើមកលើខ្លួន ។ សូម្បីតែកំប្លែងតូចមួយក៏អាចអោយអ្នកសើចចេញ វាជាសញ្ញាដែលប្រាប់ថាអ្នកជាមនុស្សគិតច្រើន និងងាយនឹងរងការប៉ះទង្គិចខាងផ្លូវចិត្ត ដែលគ្រាន់តែមិនងាយបញ្ចេញមកក្រៅ។

នៅពេលដែលអ្នកគឺជាមនុស្សញញឹមច្រើន៖ មិនមានមនុស្សច្រើនទេ ដែលដឹងពីរឿងពិតពីក្រោយស្នាមញញឹមរបស់អ្នកនោះទេ ស្នាមញញឹមមួយចំនួនគឹជាការបិទបាំងពីទុក្ខសោកដែលលាក់ក្នុងចិត្ត ទឹកភ្នែក និងរឿងឈឺចាប់មួយចំនួនដែលអ្នកគ្មានភាពក្លាហាននឹងបញ្ចេញអោយគេឃើញ។ អ្នកផ្សេងគិតថា អ្នកនៅតែសើចចេញទោះបីជាមានរឿងអីក៏ដោយ តែគេមិនដែលជូនអ្នកទៅផ្ទះពេលអ្នកមានអារម្មណ៍មិនល្អ ឬអង្គុយមើលអ្នកយំរហូតដល់ដេកលក់ទេ។

ស្នាមញញឹមរបស់មនុស្សជាអ្វីសម្រស់ដ៏ស្អាតមួយ ប៉ុន្តែមិនមែនស្នាមញញឹមទាំងអស់សុទ្ធតែជារឿងល្អទេ ។

អត្ថបទ៖ ហ៊ុន កែវលីដែត

រៀនធ្វើវីដេអូដោយឥតគិតថ្លៃ

idea share 5:13 AM Free , Training , Video

សេចក្តីជូនដំណឹងរបស់ Khmer Youth Association៖ ឱកាសពិសេសសម្រាប់អ្នកដែលចង់រៀនវគ្គបណ្តុះបណ្តាលស្តីពីការថតវីដេអូ “Video Training” ដែលបង្រៀនដោយ កញ្ញា ម៉ាលីនមកពីប្រទេសស៊ុយអ៊ែត នៅថ្ងៃសៅរ៍ ទី១៤ ខែមករា ឆ្នាំ២០១៧ វេលាម៉ោង ២ ដល់ ៥រសៀល ទីកន្លែងនឹងជម្រាបជូនពេលក្រោយ។ រួសរាន់ឡើងកន្លែងមានកំណត់ សម្រាប់អ្នកដែលចាប់អារម្មណ៍ អាចចុះឈ្មោះតាមរយៈអាស័យដ្ឋាន sanary.kaing@gmail.com ឬលេខទូរស័ព្ទ011 97 39 33 ជាមួយកញ្ញា កាំង សាណារី។

Good News: For those who are interested in learning “Video Training” with Ms. Malin from Sweden on Saturday, December 14, 2017 at 2-5 PM, avenue will be informed later. Limited seat, First-Come, First Served, please register or ask for information via email: sanary.kaing@gmail.com or 011 97 39 33.

ព័ត៌មានលម្អិតសូមចូលទៅកាន់ Khmer Youth Association
*សម្គាល់៖ ខ្លឹមសារអត្ថបទខាងលើគឺមិនមែនជារបស់Blogយើងឡើយ ហើយការបកប្រែនិងចែករំលែកនេះក្នុងគោលបំណងចែករំលែកព័ត៌មានតែប៉ុណ្ណោះ។
*Disclaimer: We don’t own the content. Our purpose is purely to help spread the information.