លេងស្ទាយ៍បែបណាជាមួយអាវក្រឡាឆ្នូតឲ្យកាលីប?

មិត្តយុវវ័យភាគច្រើនគឺនិយមការលេងម៉ូតសម្លៀកបំពាក់។​ ក្នុងនោះអាវដែលមានក្រឡាឆ្នូតប្រាកដជាមាននៅក្នុងទូខោអាវរបស់អ្នកជាក់ជាមិនខាន។​ ដូច្នេះធ្វើយ៉ាងណាឲ្យមិត្តយុវវ័យអាចលេងស្ទាយ៍ដែលមិនជាន់គ្នានោះ​​ និងមើលទៅកាលីប យើងមានវិធីដើម្បីឲ្យលោកអ្នកអាចសាកល្បងបាន៖

​


១. ​ពាក់​អាវ​ក្រឡា​ឆ្នូត​ពី​ក្រៅ​អាវ​កាក់​ក្នុងដែលមានពណ៌មិនឆើតនិងមានផ្ទៃលាត

ពណ៌ដែលសមស្របសម្រាប់ពាក់ពីក្នុងអាវឆ្នូតមានដូចជា ពណ៌ស ខ្មៅ កាគី ទឹកប៊ិច​ ត្នោត និង ពណ៌ប្រផះ

២. ជ្រើសរើសខោ ឬសំពត់ដែលមានពណ៌ដូចគ្នាទៅនឹងពណ៌មួយក្នុងអាវឆ្នូតៗរបស់អ្នក

ឧទាហរណ៏ថា អ្នកមានអាវឆ្នូតសរ​និងខៀវ ដូច្នេះលោកអ្នកគួរស្លៀកសំពត់ឬខោរដែលមានពណ៌ខៀវ​ ឬ ស​ដើម្បីមើលទៅសាកសមនិងស៊ីគ្នា។

៣. ជ្រើសរើសពណ៌អាវឆ្នូតណាដែលសមស្របទៅនឹងកាលៈទេសៈ

ជាទូទៅក្រឡាឆ្នូតពណ៌ឆើត គួរតែប្រើប្រាស់សម្រាប់ការលេងស្ទាយប្រចាំថ្ងៃ និង នៅក្នុងរដូវក្តៅ រីឯពណ៌ដែលក្រម៉ៅវិញ គេនិយមប្រើសម្រាប់កម្មវិធីផ្លូវការ ដូចជាការទៅសម្ភាសន៏ការងារ និង ប្រើប្រាស់ក្នុងរដូវរងារដើម្បីរក្សារកម្តៅបានល្អ។​

៤. ចងអាវឆ្នូតនៅនឹងចង្កេះ ឬ ពីខាងក្រោយករបស់អ្នក

ការលេងស្តាយ៍បែបនេះនឹងមើលទៅកាលីប ហើយជាទីចាប់អារម្មណ៍។

៥. អាវឆ្នូតប្រវែងវែងសាកសមក្នុងការលេងស្ទាយជាមួយខោរឹប ឬខោស្វិតខាងក្នុង

ប្រវែងសាកសមនេះ គឺមិនខ្លីពេក និងមិនវែងពេក ព្រោះការស្លៀកជាមួយខោរឹប ឬខោស្វិត មិនអាចស្លៀកជាមួយអាវប្រវែងខ្លីបានទេ ហើយបើប្រវែងវែងពេក អាចនឹងមើលទៅរាងសម។

៦. ពាក់គ្រឿងលំអរដើម្បីបង្កើនការទាក់ទាញ

គ្រឿងលម្អមិនអាចខ្វះបានទេ ព្រោះវានឹងជួយលើកសម្រស់យើងឲ្យឡើង តែមិនចាំបាច់ពាក់ច្រើនហួសហេតុពេកទេ ត្រឹមតែសមល្មមដែលមើលទៅសាកសមបានហើយ។

៧. ពាក់អាវឆ្នូតដែលមានទំហំធំបន្តិចពីក្រៅខោអាវរបស់អ្នក

វាមិនខុសអីអ្នកពាក់អាវរងា ឬអាវក្រៅនោះឡើយ ព្រោះពេលខ្លះវានឹងជួយបិទបាំងភាពធាត់បានដែរ មិនតែប៉ុណ្ណោះវានឹងមើលទៅកាលីបថែមទាំងផង។

អត្ថបទដោយ: ជិន​ ស្រីលាភ

ប្រភពអត្ថបទ: WIKIHOW