កំពុង Crush អ្នកណាម្នាក់មែនទេ? ម៉ោះ! សាកល្បងវិធីងាយៗដែលធ្វើឲ្យ Crush របស់អ្នកចាប់អារម្មណ៍អ្នកវិញ

វាជាការងាយស្រួលណាស់ក្នុងការដែលយើង Crush (លួចស្រលាញ់) អ្នកណាម្នាក់ ហើយបើសិនជាយើងនៅតែស្ងៀមៗ មិនបញ្ចេញសកម្មភាពអ្វីសោះ គ្មានផ្លូវទេដែល Crush របស់អ្នកដឹងថាអ្នកលួចស្រលាញ់នាងឬគេ។

ចំណុចខាងក្រោមនេះ នឹងជួយឲ្យមនុស្សដែលអ្នកលួចស្រលាញ់ចាប់អារម្មណ៍អ្នកដោយងាយ៖

១. ធ្វើឲ្យខ្លួនឯងលេចធ្លោ

ដើម្បីឲ្យខ្លួនឯងលេចធ្លោបាន លុះត្រាតែអ្នកជាមនុស្សដែលមើលទៅមានចំណុចពិសេស ឬជាមនុស្សដែលមនុស្សជាច្រើនចូលចិត្តនៅក្បែរ និងពឹងពាក់បាន។

២. ប្រកាន់គំនិតសុទិដ្ឋិនិយម

គ្មាននរណាចូលចិត្តមនុស្សដែលចូលចិត្តតែគិតផ្លូវអាក្រក់នោះទេ។ចូរមើលពិភពលោកក្នុងផ្លូវល្អ ដើម្បីបង្ហាញឲ្យ Crush របស់អ្នកដឹងថា អ្នកជាមនុស្សដែលមានភាពស្រស់ស្អាតខាងក្នុងកម្រិតណា។

៣. ធ្វើឲ្យខ្លួនឯងមានអនាម័យ

គ្មាននរណាចង់នៅក្បែរមនុស្សដែលគគ្រិចនោះទេ អញ្ចឹងគ្រាន់តែសម្អាតខ្លួនឲ្យស្អាត បាញ់ទឹកអប់ឲ្យក្រអូបៗ ទៅ មនុស្សដែលអ្នកស្រលាញ់ច្បាស់ជាមានអារម្មណ៍ល្អជាមួយអ្នកជាក់ជាមិនខាន។

៤. ធ្វើជាខ្លួនឯង

អ្នកត្រូវតែសម្តែងនូវអ្វីដែលជាខ្លួនអ្នក ព្រោះអ្នកចង់ឲ្យគេឬនាងចាប់អារម្មណ៍ និង ស្រលាញ់អ្នក។ អញ្ចឹងមិនចាំបាច់ខំប្រឹងកែប្រែខ្លួន ឬប្រឹងសម្តែងលាក់បាំងធាតុពិតរបស់ខ្លួនទេ។

៥. ត្រូវមានជំនឿទុកចិត្តលើខ្លួនឯង

ប្រាកដណាស់ថា ភាពជឿទុកចិត្តលើខ្លួនឯងនេះ គឺជាមន្តស្នេហ៍ដ៏ទាក់ទាញបំផុត ព្រោះវានឹងបង្ហាញអំពីគុណតម្លៃ និង ភាពរឹងមាំរបស់អ្នក។

៦. ស្លៀកពាក់សម្លៀកបំពាក់ស្អាតបាត

ន័យនេះ មិនមែនចង់បានន័យថាឲ្យអ្នកត្រូវចាយលុយរាប់រយដុល្លារទិញខោអាវម៉ាកប្រេនៗអ្វីនោះទេ គឺគ្រាន់តែតុបតែងខ្លួនដោយសម្លៀកបំពាក់ដែលមើលទៅសមនឹងអ្នក ព្រមទាំងទាន់សម័យ ដែលងាយធ្វើឲ្យ Crush របស់អ្នកងាកភ្នែកសម្លឹងមកអ្នកទៅបានហើយ។

៧. ធ្វើដូចអ្នកមិនខ្វល់

ត្រូវបង្ហាញថា អ្នកមិនមែនចាំតែខ្វល់ពីគេឬនាងគ្រប់ពេលនោះទេ ព្រោះវានឹងធ្វើឲ្យ Crush របស់អ្នកបានចិត្ត។

៨. ធ្វើខ្លួនឲ្យរួសរាយរាក់ទាក់ និង អាចពឹងពាក់បាន

ពេលខ្លះ Crushរបស់អ្នកក៏ចាប់អារម្មណ៍អ្នកដែរ គ្រាន់តែគេឬនាងមិនហ៊ានចូលមកសួរនាំ ឬនិយាយជាមួយអ្នកមុនប៉ុណ្ណោះ ដូច្នេះអ្នកត្រូវធ្វើខ្លួនឲ្យរួសរាយរាក់ទាក់ និង ជាមនុស្សដែលគេឬនាងអាចមានអារម្មណ៍ថាអាចពឹងពាក់អ្នកបាន។

៩. ធ្វើឲ្យ Crush របស់អ្នកឃើញអ្នកនិយាយជាមួយនឹងមនុស្សស្រី ឬមនុស្សប្រុសផ្សេង

នេះជាវិធីល្អមួយក្នុងការពិសោធន៍មើលថា តើ Crush របស់អ្នកចាប់អារម្មណ៍អ្នកដែរអត់។ គ្រាន់តែគេឬនាងបង្ហាញកាយវិការប្រច័ណ្ឌ ឬមិនសប្បាយចិត្តចេញមក អ្នកច្បាស់ជាអាចរកចម្លើយឃើញដោយខ្លួនឯងហើយ។

១០. ចូលទៅនិយាយជាមួយនាងឬគេមុន

បើសិនជាអ្នកចេះតែអៀនប្រៀន ពេលខ្លះ Crush របស់អ្នក មិនទាំងដឹងផងថា អ្នកកើតលើលោកនេះដែរ។ ក្លាហានឡើង គ្រាន់តែចូលទៅនិយាយជាមួយ Crush មុន មិនមែនគេចាប់ទៅបាញ់ចោលឯណា ថាមិនត្រូវទទួលលទ្ធផលល្អតបវិញស្មានមិនត្រូវក៏ថាបាន។

អត្ថបទដោយ៖ សន ឆវីវតី

ប្រភពអត្ថបទ និង រូបភាព៖ Wikihow

តោះ! ប្តូររសជាតិ សាកអានរឿងស្នេហាត្រីកោណ៣រឿងក្នុងមួយក្បាលលមើល៍

idea share 8:02 AM Book , book review , novel , story , triangle love

តើអ្នកចូលចិត្តរឿងមនោសញ្ចេតនាបែបស្នេហាត្រីកោណឬទេ?

រឿង Summerទាំងបីវគ្គមាន The Summer I Turned Pretty, It’s Not Summer Without You និង We’ll Always Have Summer គឺជារឿងមនោសញ្ចេតនាស្នេហារវាងយុវវ័យបីនាក់ ដែលធ្លាប់ស្គាល់គ្នាតាំងពីក្មេងមកម្ល៉េះ។

បងប្អូនប្រុសពីរនាក់ Conrad និងJeremiah បានធ្លាក់ក្នុងអន្លង់ស្នេហ៍នារីម្នាក់ដែលគេធ្លាប់ស្គាល់តាំងពីនៅក្មេង គឺ Belly។ ដោយឡែក Bellyធ្លាប់លួចស្រលាញ់ Conrad តាំងពីពួកគេនៅតូច ប៉ុន្តែមិនដែលហ៊ាននិយាយប្រាប់ ដោយគិតថា Conrad មិនពេញចិត្តនឹងគេ។ នៅរដូវក្ដៅមួយ ពេលដែលពួកគេពេញវ័យ គ្រួសារទាំងពីរបានជួបជុំគ្នា។ នៅពេលនោះហើយដែល Jeremiah និង Belly បានដុះចិត្តស្រលាញ់គ្នា។

ក្រោយមកទើបបានដឹងថា Conrad ក៏លួចស្រលាញ់ Belly វិញដែរ។ ទោះបី Jeremiah និង Belly ស្រលាញ់គ្នាក៏ដោយ ក៏Belly នៅមានចិត្តលើConrad ដដែល។ តើចុងបញ្ចប់ Belly បានទៅលើអ្នកណា រវាងបងប្អូនបង្កើតទាំងពីរនាក់នេះ?

អត្ថបទដោយ៖ គុណវុឌ្ឍ មុនីកញ្ចនា

វិធីសាស្រ្តងាយៗក្នុងការថែទាំសុខភាពភ្នែក

idea share 5:13 AM advice , eyes , Health , Tips

សុខភាពភ្នែកមានសារៈសំខាន់ខ្លាំងបំផុតសម្រាប់មនុស្សគ្រប់គ្នា ព្រោះថាកែវភ្នែកប្រៀបដូចជាបង្អួចដើម្បីឆ្លុះបញ្ចាំងទៅកាន់ពិភពលោក។ បែបនេះហើយ មនុស្សគ្រប់រូបទាំងចាស់ទាំងក្មេងត្រូវតែថែទាំវាឲ្យមានសុខភាពល្អជានិច្ច។ អត្ថបទនេះនឹងបង្ហាញពីវិធីងាយៗ៣យ៉ាងដែលអាចជួយឲ្យភ្នែករបស់អ្នកនៅតែមានសុខភាពល្អ៖

១. អនុវត្តទម្លាប់ល្អដែលជួយដល់សុខភាពភ្នែក

ទម្លាប់ល្អៗដែលអ្នកគ្រប់គ្នាត្រូវតែអនុវត្តនោះមានដូចជា ការទៅជួបពិគ្រោះជាមួយគ្រូពេទ្យភ្នែកឲ្យបានទៀងទាត់ដើម្បីធានាបាននូវសុខភាពល្អ។ ចំពោះអ្នកដែលប្រើប្រាស់ Contact Lenses វិញមិនត្រូវពាក់វាឲ្យលើសរយៈពេល១៩ម៉ោងក្នុងមួយថ្ងៃនោះទេ ហើយក៏មិនត្រូវពាក់វាពេលគេងផងដែរ។ ចំណែកឯស្រ្តីមួយចំនួនដែលចូលចិត្តប្រើប្រាស់គ្រឿងតុបតែងនៅបរិវេណភ្នែកនោះត្រូវលាងសម្អាតវាជាដាច់ខាតមុនរាល់ពេលចូលសម្រាក ដើម្បីជៀសវាងការជ្រាបចូលដែលអាចប៉ះពាល់ដល់កែវភ្នែក។ ក្រៅពីនេះក៏ទាមទារឲ្យមនុស្សគ្រប់រូប ប្រើប្រាស់ថ្នាំបន្តក់ភ្នែកផងដែរនៅពេលដែលមានបញ្ហាដូចជាការរមាស់ជាដើម។ ប៉ុន្តែអ្នកមិនត្រូវប្រើប្រាស់ថ្នាំប្រភេទនេះជារៀងរាល់ថ្ងៃនោះទេ ព្រោះវានឹងបង្កជាបញ្ហាទៅវិញ។ ទម្លាប់ដែលចាំបាច់ដែលនោះគឺថា ត្រូវតែពាក់វ៉ែនតាឲ្យបានជាប់លាប់ដើម្បីការពារទៅនឹងកាំរស្មី UV ឬក៏សារធាតុគីមីផ្សេងៗជាដើម។ លើសពីនេះទៅទៀតនោះគឺតម្រូវឲ្យមានការហាត់ប្រាណឲ្យបានទៀងទាត់ គេងបានគ្រប់គ្រាន់ និងប្រើប្រាស់ចំនិតត្រសក់ត្រជាក់ៗមកបិទលើត្របកភ្នែករាល់ពេលមុនចូលគេងប្រមាណជា១០ទៅ១៥នាទី ដើម្បីការពារនិងព្យាបាលការហើមត្របកភ្នែក។

២. ការពារភ្នែករបស់អ្នករាល់ពេលប្រើប្រាស់កំព្យូរទ័រ

ចំណុចនេះទាមទារឲ្យមានការកំណត់ពេលច្បាស់លាស់ក្នុងការសម្លឹងមើលកញ្ចក់ ទូរស័ព្ទ ឬកំព្យូទ័រជាដើម ព្រោះថាការសម្លឹងមើលរបស់ទាំងនេះក្នុងរយៈពេលយូរនឹងធ្វើឲ្យភ្នែករបស់អ្នកមានសភាពស្ងួតនិងបញ្ហាផ្សេងៗទៀត។ ប៉ុន្តែវាពិបាកណាស់សម្រាប់មនុស្សចំនួនដែលត្រូវតែប្រើប្រាស់កំព្យូទ័រជាប្រចាំក្នុងរយៈពេលយូរនោះ។ បែបនេះហើយមានវិធីផ្សេងទៀតៗដែលអាចជួយដល់មនុស្សប្រើប្រាស់កុំព្យូទ័រជាប្រចាំបាន ដោយតម្រូវឲ្យដាក់កំព្យូទ័រនៅកន្លែងណាមួយដែលអាចជួយឲ្យអ្នកសម្លឹងមើលបានងាយស្រួលចំពីមុខ ដោយមិនចាំបាច់ប្រឹងសម្លឹងមើលលើក្រោមៗនោះទេ។ ផ្សេងពីនេះទាមទារឲ្យអ្នកប្រើប្រាស់កុំព្យូទ័រព្រិចភ្នែកឲ្យបានញឹកញាប់រាល់រយៈពេល៣០វិនាទីម្ដង ព្រោះថាបើមិនធ្វើបែបនេះទេភ្នែករបស់អ្នកនឹងមានសភាពស្ងួតជាក់ជាមិនខាន។ លើសពីនេះវារឹតតែចាំបាច់ដែលត្រូវសម្រាករាល់ពេលប្រើប្រាស់កំព្យូទ័របានរយៈពេល២០នាទីម្ដង ដោយត្រូវក្រឡេកមើលអ្វីផ្សេងឲ្យបានរយៈពេលយ៉ាងហោចណាស់២០វិនាទី។ ចំណុចមួយទៀតនោះគឺមិនត្រូវអានសៀវភៅនៅកន្លែងងងឹតនោះទេ។ រាល់ការអានសៀវភៅ រឺក៏ធ្វើការអ្វីផ្សេងៗនោះត្រូវតែធ្វើឡើងនៅកន្លែងដែលមានពន្លឺគ្រប់គ្រាន់។

៣. ការបរិភោគអាហារដែលជួយដល់សុខភាពភ្នែក

ចំណុចចុងក្រោយនេះទាមទារឲ្យមនុស្សគ្រប់គ្នា បរិភោគរាល់របបអាហារណាដែលជួយដល់សុខភាពភ្នែក ព្រោះថាប្រភេទអាហារមួយចំនួនមិនមានសារៈសំខាន់ដល់ភ្នែកនោះទេ។ រាប់បញ្ចូលទាំងសាច់ បន្លែ ផ្លែឈើមួយចំនួនសុទ្ធតែជាជំនួយដល់កែវភ្នែកបាន។ ភ្នែកទាមទារជាចាំបាច់នូវសារធាតុសំខាន់ៗមួយចំនួនដូចជា វីតាមីន C វីតាមីន E ជាតិសង្ខ័សី ជាតិ Lutein ជាតិ Zeaxanthin និងអាស៊ីតខ្លាញ់ Omega 3 ជាដើម។ សារជាតិទាំងនេះមានផ្ទុកក្នុងសាច់ជ្រូក សាច់គោ សណ្ដែកដី ផ្លែក្រូច ផ្លែស្រ្តប៊ែរី ខាត់ណាខៀវ ការ៉ុត ប្រភេទត្រីសាម៉ុងនិងនៅក្នុងប្រភេទបន្លែ ផ្លែឈើជាច្រើនមុខផ្សេងទៀត។

ប្រភព៖ WikiHow
អត្ថបទដោយ៖ ប៉ោ គឹមហុក

តាមពិតប្រវត្តិបុណ្យ Halloween ចឹងសោះ!

idea share 6:42 AM Halloween

គេសង្កេតឃើញតាមផ្ទះសម្បែង ឬហាងទំនិញជាច្រើន ចាប់ផ្តើមដាក់តាំងរូបគោមធ្វើពីផ្លែល្ពៅ និងទីងមោងជាដើម ដើម្បីត្រៀមប្រារព្ធបុណ្យមួយដែលមានដើមកំណើតពីប្រទេសលោកខាងលិច ដែលហៅថាពិធីបុណ្យហាឡូវីន (Halloween)។ បើតាមជំនឿ រៀលរាល់ឆ្នាំថ្ងៃទី៣១ ខែតុលា គឺជាថ្ងៃដែលជនជាតិ ខេល (Celt) ដែលជាជនជាតិភាគតិចមួយនៅកោះ Ireland ចាត់ទុកថាជាថ្ងៃចុងបញ្ចប់នៃរដូវក្តៅ ហើយថ្ងៃបន្ទាប់មក គឺជាថ្ងៃទី១ វិច្ឆិកា គឺជាថ្ងៃចូលឆ្នាំថ្មី។

ចុងខែតុលា ជនជាតិខេល មានជំនឿថា ជាថ្ងៃដែលពិភពរបស់មនុស្សស្លាប់ និងមនុស្សរស់តភ្ជាប់គ្នា ហើយវិញ្ញាណរបស់អ្នក ដែលបាត់បង់ជីវិតក្នុងឆ្នាំកន្លងមក នឹងដើររករាងកាយរបស់មនុស្សរស់ ដើម្បីចូលសណ្ឋិតក្នុងគោលបំណងមានជីវិតរស់ម្តងទៀត។

ការនាំភាពក្តៅក្រហាយមកដល់មនុស្សរស់ ធ្វើឲ្យពួកគេរិះរកគ្រប់មធ្យោបាយ កុំឲ្យខ្មោចចូលមកសណ្ឋិតនៅក្នុងខ្លួន។ ជនជាតិខេល ក៏នាំគ្នាបិទភ្លើងគ្រប់ប្រភេទនៅក្នុងផ្ទះ ដើម្បីឲ្យអាកាសធាតុប្រែជារងាត្រជាក់ ដែលមិនមែនជាទីប៉ងប្រាថ្នានៃពពួកខ្មោចឡើយ។ ក្រៅពីនេះពួកគេនៅនាំគ្នាតែងខ្លួនចម្លែកៗ ដើម្បីបន្លំខ្លួនធ្វើជាខ្មោច និងបន្លឺសំឡេងលាន់អឹងកង ដើម្បីឲ្យខ្មោចពិតប្រាកដភ័យខ្លាច ហើយរត់គេចខ្លួនទៅវិញ។

អីចឹងហើយបានជារៀងរាល់ឆ្នាំ នៅមុនថ្ងៃទី៣១ តុលាដែលជាថ្ងៃប្រារព្ធពិធីនេះមកដល់ មានការរៀបចំព្រឹត្តិការណ៍ប្លែកៗជាច្រើន ដូចជានៅតាមកន្លែងកម្សាន្ត មានការតុបតែងជារូបព្រាយបិសាចឬមេធ្មប់ផ្សេងៗ ការដាក់តាំងរូបគោមធ្វើពីផ្លែល្ពៅ នៅមុខផ្ទះនិងការលែងល្បែង Trick or Treat ពីសំណាក់ក្មេងៗជាដើម។

ទន្ទឹមនឹងនេះមនុស្សមួយចំនួន បាននាំគ្នាពាក់របាំងមុខ ជារូបបិសាចឬតុបតែងខ្លួនជាខ្មោចឆៅទៀតផង ដើម្បីបញ្ចៀសឧបទ្រពចង្រៃ៕

បើធ្វើបាន៧ចំណុចនេះ បញ្ហាក្នុងគ្រួសារនឹងដោះស្រាយបានយ៉ាងស្រួល

idea share 4:19 AM advice , Family , problem , solution

បញ្ហានៅក្នុងគ្រួសារ គឺជារឿងមួយដែលពិបាកដោះស្រាយសម្រាប់មនុស្សគ្រប់រូប។ បញ្ហាគ្រួសារនេះ មានផលប៉ះពាល់ខ្លាំងណាស់ ព្រោះថាវាជះឥទ្ធិពលចំពោះសមាជិកគ្រួសារទាំងអស់ដែលរស់នៅជាមួយគ្នាមិនថាតិចឬច្រើននោះទេ។ បែបនេះត្រូវតែប្រយ័ត្ន កុំបង្ករឲ្យបញ្ហាណាមួយកើតឡើងក្នុងគ្រួសារឡើយ ហើយត្រូវធ្វើយ៉ាងណាស្វែងរកធ្យោបាយសមស្របណាមួយដើម្បីបង្វិលស្ថានការណ៍ឲ្យប្រែទៅភាពសុខសាន្តវិញ ដោយកុំបណ្តាលឲ្យមានការប្រេះស្រាំទំនាក់ទំនងរវាងសមាជិកគ្រួសារឲ្យសោះ។

ហេតុដូច្នេះហើយ មនុស្សគ្រប់រូបត្រូវតែដឹងឲ្យច្បាស់ពីវិធីដោះស្រាយវាឲ្យបានច្បាស់ តាមវិធីដូចខាងក្រោម៖

១. រៀបចំពេលវេលាមួយដើម្បីដោះស្រាយរួមគ្នា

ក្នុងចំណុចមួយនេះទាមទារឲ្យមានការដោះស្រាយរួមគ្នានៅក្នុងគ្រូសារ ដោយធ្វើយ៉ាងណាស្វែងរកមធ្យោបាយណាមួយសមស្របសម្រាប់មនុស្សគ្រប់គ្នា។ បញ្ហានៅក្នុងគ្រួសារទាមទារបំផុតក្នុងចូលរួមជួយពិភាក្សាគ្នាដោះស្រាយព្រោះវាមានឥទ្ធិពលលើគ្រប់សមាជិកគ្រួសារបែបនេះហើយវាមិនអាចដោះស្រាយដោយមនុស្សតែម្នាក់បាននោះទេ។ ក្នុងការជួបពិភាក្សារួមគ្នានេះ ត្រូវតែប្រាប់ឲ្យច្បាស់ពីគោលបំណង ហើយមនុស្សម្នាក់ត្រូវតែមានការស្នើរសុំ និងមធ្យាបាយរៀងៗខ្លួនជុំវិញបញ្ហាមួយនោះ។

២. ផ្តោតលើតែបញ្ហាតែមួយ

នៅពេលដែលមានបញ្ហាអ្វីមួយច្បាស់ណាស់ភាគីណាមួយនឹងរំលឹកឡើងនូវបញ្ហាជាច្រើនមកបូករួមបញ្ចូល។ ដើម្បីដោះស្រាយបញ្ហាក្នុងគ្រួសារឲ្យបានជោគជ័យនោះ គួរគប្បីចៀសវាងបំផុតក្នុងការគាស់កកាយបញ្ហាទាំងឡាយមកពាក់ព័ន្ធ ព្រោះថាវានឹងធ្វើឲ្យបញ្ហាដែលចង់ដោះស្រាយនោះរឹតតែមានភាពស្មុគស្មាញថែមទៀត។ ពេលដោះស្រាយត្រូវតែផ្តោតអារម្មណ៍លើបញ្ហាតែមួយគត់ទើបជាការល្អ។

៣. ផ្តល់ឱកាសឲ្យគ្រប់ភាគីពាក់ព័ន្ធលើកឡើងនូវគំនិតរៀងៗខ្លួន

វាគ្មានប្រយោជន៍នោះទេ បើសិនជាមិនទុកឱកាសឲ្យគ្រប់ភាគីពាក់ពន្ធ័ លើកឡើងនូវគំនិតរបស់គេនោះទេ។ ក្នុងការពិភាក្សាស្វែងរកមធ្យាបាយដោះស្រាយបញ្ហានេះ ចាំបាច់បំផុតដែលគ្រប់គ្នាត្រូវតែលើកឡើងនូវការ ចង់បាន តម្រូវការផ្សេងៗ មធ្យោបាយ គំនិត និងការព្រួយបារម្ភរបស់ពួកគេ ព្រមទាំងស្វែងរកការឯកភាពមួយដែលសមស្របសម្រាប់មនុស្សគ្រប់គ្នា។

៤. មិនត្រូវនិយាយកាត់

ដើម្បីទទួលបានការឯកភាពណាមួយ ចាំបាច់ណាស់ត្រូវតែស្ដាប់ម្នាក់ៗលើកឡើងយោបល់តម្រូវការ និងការព្រួយបារម្ភរបស់ខ្លួនដោយមិនត្រូវកាត់សេចក្ដីរបស់អ្នកណាម្នាក់ឡើយ។ ស្ដាប់ដោយយកចិត្តទុកដាក់ជាទីបំផុតទើបជាការល្អ។ ការនិយាយកាត់ណាមួយនោះនឹងធ្វើឲ្យបញ្ហាកាន់តែសាំញ៉ាំ រឺក៏ធ្វើឲ្យភាគីមួយនោះកាន់តែខឹងថែមទៀតផង។

៥. ឲ្យតម្លៃលើគំនិតរបស់ភាគីនីមួយៗ

ត្រង់ចំណុចមួយនេះ ទាមទារជាដាច់ខាតនូវការឲ្យតម្លៃលើរាល់គំនិតយោបល់ដែលបានលើកឡើង ទោះបីជាគំនិតមួយនោះខុសផ្ទុយស្រឡះពីគំនិតរបស់អ្នកក៏ដោយ។ ការធ្វើបែបនេះធ្វើឲ្យភាគីដែលពាក់ពន្ធ័មានអារម្មណ៍ថាគេមានតម្លៃនៅក្នុងគ្រួសារមួយនោះ។ ការចេះឲ្យតម្លៃគ្នាទៅវិញទៅមកនេះគឺជាការប្រសើរណាស់សម្រាប់សុភមង្គលក្នុងគ្រួសារ។

៦. សម្រេចមធ្យោបាយរួមគ្នា

បន្ទាប់ពីគ្រប់គ្នាបានលើកឡើងនូវគំនិត សេចក្ដីត្រូវការ ការព្រួយបារម្ភរៀងៗខ្លួនរួចហើយនោះ ឈានចូលដល់ដំណាក់កាលសម្រេចចិត្តលើមធ្យាបាយដោះស្រាយបញ្ហារួមគ្នាមួយដោយត្រូវធ្វើការសម្របសម្រួល ពិចារណាលើយោបល់ទាំងអស់និងព្យាយាមស្វែងរកចំណុចកណ្ដាលមួយដែលគ្រប់គ្នាឯកភាពនិងពេញចិត្តនឹងមធ្យោបាយមួយនោះ។

៧. ស្វែងរកជំនួយពីខាងក្រៅ

បើសិនជាដំណាក់កាលទី៦មិនដំណើរការនោះទេ អ្វីដែលត្រូវនោះគឺត្រូវតែស្វែងរកជំនួយពីខាងក្រៅ ដោយមិនត្រូវបណ្តែតបណ្តោយទុកបញ្ហាចោលនោះទេ។ អ្នកអាចស្វែងរកអ្នកជំនាញមកជួយពិភាក្សា ឬផ្ដល់ដំបូន្មានល្អៗសម្រាប់ដោះស្រាយវិបត្តិក្នុងគ្រួសាររបស់អ្នកដោយមិនត្រូវខ្មាស់អៀននោះទេ ដើម្បីសុភមង្គលក្នុងគ្រួសារ៕

ប្រភព៖ WikiHow
អត្ថបទដោយ៖ ប៉ោ គឹមហុក

អាហារូបករណ៍អ៊ីរ៉ាស្មូសសម្រាប់និស្សិតសាកលវិទ្យាល័យភូមិន្ទភ្នំពេញ បានពន្យាថ្ងៃផុតកំណត់រហូតដល់ថ្ងៃ ៥ វិច្ឆិកា

idea share 8:16 PM abroad , erasmus , opportunity , RUPP , scholarship

Heidelberg-Rupp Erasmus+

Posted: 2016-08-08 16:28:43

By: Information Technology Center

Important Note

Old Deadline: 31^st october, 2016
New Deadline: 5^th November, 2016

The Erasmus+ programme aims to boost skills and employability, as well as modernising Education, Training, and Youth work.
Heidelberg University and Royal University of Phnom Penh has successfully granted funding by Erasmus+ program of EU in Key Action 1 - Mobility for learners and staff. With this program, students got a chance to exchange experiences and learn multiple cultures from our university partner: Heidelberg University, Germany for one full semester. In case of staff is for 28 days + 2 travel days.
This exchange program is for RUPP students, lecturers, and staffs only.
The applicant must submit the below documents into one zip file to [[DropBox Drive]] before the 31^st of October, 2016. 5^th November 2016:

Curriculum Vitae
Latest Transcript
Motivation Letter
Study plan

Please click here to submit your documents Caution:The applicant who has sumitted the invalid documents as mentioned about will be dropped automatically. We accept only 1 file in ZIP format. Note: If you would like to know more about this scholarship, please click the following link to register for Heidelberg-Rupp Erasmus+ scholarship on Monday, 29-August-2016, at 9:00AM, CKCC(RUPP).
Please click here to register for the workshop
*The number of registration is over the limitation now. First come first serve. The place can accommodate for ONLY 100 people.

Students Mobility

Target Students*: Only 2^nd year students up

FROM: RUPP
TO: D HEIDELB01
Subject Area ISCED: 05, 06, 07
Subject Area Name: Natural sciences, mathematics, statistics, ICTs, and Engineering,
Study Cycle [1^st 2^nd 3^rd]:2^nd
Total Number of students x Total number of months: 6 x 6 months

Staff Mobility

Application Form Staff Exchange to Heidelberg University: Download

FROM:RUPP
TO: D HEIDELB0
Subject Area ISCED: 05, 06, 07
Subject Area Name: Natural sciences, mathematics, statistics, ICTs, and Engineering
Training/Teaching: Teaching
Total Number of students x Total number of days: 4 x 28 days + 2 travel days

Scholarships:

Monthly allowance is listed as the following:

Undergraduate: 800 euro
Staff: 2500 euro

It is also included:

Travel
Insurance

Organized by:

Local Contact

Srun Sovila (Dr.)
srun.sovila(at)rupp.edu.kh
Rim Beanbonyka (Ms.)
rim.beanbonyka(at)rupp.edu.kh
Contact Office: #219, Faculty of Engineering, Royal University of Phnom Penh

ប្រភពអត្ថបទ៖ rupp.edu.kh
រៀបរៀងដោយ៖ ចន ច័ន្ទបូតា

វគ្គបណ្តុះបណ្តាលខ្លីអំពីជំនាញភាពជាអ្នកដឹកនាំ និងជីវិតរស់នៅ

idea share 6:59 PM opportunity

Great opportunity for RUPP students in building your leadership and life skills as well as exchanging your knowledge and experience with Singaporean volunteers! Apply now!! Eligible applicants will have chance to join this training program for Free!
Go to this link to get application form: https://drive.google.com/open?id=0B22Wxl24HbbyZ0FudHhuZk9jbmM

For more details, contact 023-999-494


ប្រភពរូបភាព៖ ទំព័រហ្វេសបុករបស់មជ្ឈបណ្ឌលសហប្រតិបត្តិការកម្ពុជា កូរ៉េ

ប្រភពអត្ថបទ៖ ទំព័រហ្វេសបុករបស់មជ្ឈបណ្ឌលសហប្រតិបត្តិការកម្ពុជា កូរ៉េ
រៀបរៀងដោយ៖ ចន ច័ន្ទបូតា

រួសរាន់ឡើង! សិក្ខាសាលាធំស្តីពីការប្រើប្រាស់បណ្តាញសង្គម ដែលមិនធ្លាប់មាន

idea share 6:49 AM journalism , media , public , seminar , social media

សិក្ខាសាលាធំស្តីពីការប្រើប្រាស់បណ្តាញសង្គមនេះគឺជាលើកដំបូងហើយក្នុងប្រទេសកម្ពុជា!!!

ប្រញាប់ចុះឈ្មោះពីថ្ងៃនេះតទៅ ព្រោះកន្លែងមានកំណត់!!!

Photo credit: Department of Media and Communication

មានការចូលរួមពីវាគ្មិនកិត្តិយសដែលសុទ្ធសឹងជាអ្នកអាជីពក្នុងវិស័យសារព័ត៌មានជាច្រើនឆ្នាំ និង មានការចូលរួមពិសេសពីសំណាក់សាកលវិទ្យាធិការនៃសាកលវិទ្យាល័យភូមិន្ទភ្នំពេញផងដែរ។

ទីកន្លែងប្រារព្ធឡើងនៅ CKCC នៃសាកលវិទ្យាល័យភូមិន្ទភ្នំពេញ

កាលបរិច្ឆេទ៖ ថ្ងៃទី១១ ខែវិច្ឆិកា ឆ្នាំ២០១៦ វេលាម៉ោង ២រសៀល ដល់ម៉ោង ៥រសៀល

ចូលរួមដោយសេរីឥតគិតថ្លៃ

ព័ត៌មានបន្ថែម៖ 011 977 544

ការយល់ដឹងនៃការប្រើប្រាស់បណ្តាញសង្គម៖ ផ្តល់សិទ្ធិអំណាចដល់អ្នកប្រើសម្រាប់ភាពសុខដុមរមនាក្នុងសង្គមនិងការអភិវឌ្ឍ

អត្ថបទដោយ៖ សន ឆវីវតី

ប្រភព៖ Department of Media and Communication

ស្រលាញ់កាន់តែខ្លាំង ឈឺចាប់កាន់តែខ្លាំង ត្រូវអត់?

idea share 5:28 AM Argument , break up , broken heart , couple , hurt , love

ស្នេហាកើតចេញពីការស្រលាញ់រវាងមនុស្សម្នាក់ទៅកាន់មនុស្សម្នាក់ ដែលកើតចេញពីអារម្មណ៍រំភើបនិងភាពកក់ក្តៅនៃបេះដូង។ ស្រលាញ់កាន់តែខ្លាំង ឈឺចាប់កាន់តែខ្លាំង ព្រោះវាដូចគ្នាទៅនឹងពាក្យដែលគេនិយាយថា សង្ឃឹមកាន់តែខ្លាំង អស់សង្ឃឹមក៏កាន់តែខ្លាំង។ អញ្ចឹងសួរថា បើដឹងតែស្រលាញ់ខ្លាំង នឹងទទួលការឈឺចាប់កាន់តែខ្លាំងបែបនេះទៅហើយ ហេតុអីក៏មនុស្សនៅតែមិនព្រមអាចដកចិត្តឈប់ស្រលាញ់បានទៀត???

Photo credit: Mibba

បេះដូងមនុស្សមានសាច់ វាប្រាកដជាចេះឈឺចាប់ រាល់ពេលមានការប៉ះទង្គិចម្តងៗ។ វាឈឺរាល់ពេលដែលនឹកគិតទៅដល់រឿងរ៉ាវនិងការចងចាំដ៏សែនល្អៗជាច្រើន ដែលអ្នកខ្លះចំណាយពេលមួយជីវិតក៏លុបមិនអស់ដែរ។ ព្រោះតែការស្រលាញ់ដែលមានវាលើសលប់ពេកនេះហើយ បានជាមនុស្សខ្លះ ហ៊ានគិតខ្លី សម្លាប់ខ្លួនឯងដោយមិនមានអារម្មណ៍ខ្លាចរអា។

អ្នកដែលមិនធ្លាប់ស្គាល់អារម្មណ៍ឈឺចាប់ និង អស់សង្ឃឹមខ្លាំងក្នុងរឿងស្នេហា គឺមិនដឹងទេថា ទំហំនៃការឈឺចាប់ ព្រោះតែការស្រលាញ់ដ៏សែនធំធេងនោះ វាធំកម្រិតណា។

ដូច្នេះហើយ ការស្រលាញ់តែងតែកើតមានជានិច្ច រាល់ពេលដែលស្នេហាចាប់ផ្តើមកើតឡើង ប៉ុន្តែពេលដែលស្នេហាអស់ទៅ ការស្រលាញ់ពេលខ្លះអស់ទៅចំពោះភាគីម្ខាង តែចំពោះភាគីម្ខាងទៀត អាចនឹងនៅមាន។ ពេលដែលមនុស្សម្ខាងនោះ ស្រលាញ់មនុស្សម្ខាងទៀតដែលអស់ក្តីស្រលាញ់កាន់តែខ្លាំងទៅៗ ភាពឈឺចាប់នឹងកើតមានកាន់តែខ្លាំងផងដែរ។

វាមិនខុសទេដែលយើងស្រលាញ់មនុស្សណាម្នាក់ខ្លាំងនោះ ព្រោះយើងជាមនុស្ស យើងកើតមកមានជីវិត ហើយការស្រលាញ់គឺជាសារជាតិរបស់មនុស្ស។ ប៉ុន្តែចូរចំាថា កុំស្រលាញ់អ្នកណាខ្លាំងជាងស្រលាញ់ខ្លួនឯង ព្រោះលើលោកនេះ គ្មានមនុស្សណាដែលមិនអាត្មានិយមទេ គ្មានអ្នកណាស្រលាញ់អ្នកជាងអ្នកស្រលាញ់ខ្លួនឯងឡើយ។ សង្សារ គូស្នេហ៍ ឬប្តីប្រពន្ធ គឺជាអ្នកដទៃប៉ុណ្ណោះ អ្នកដទៃដែលអាចចូលមកក្នុងជីវិតយើងបាន ហើយក៏អាចចេញទៅបានដែរ៕

អត្ថបទដោយ៖ សន ឆវីវតី

៣ ចំណុចងាយៗដើម្បីកំចាត់ក្លិនខ្លួនបែបធម្មជាតិ

idea share 5:44 AM beauty , odor , Tips

បញ្ហាក្លិនខ្លួនពិតជាក្ដីកង្វល់ដែលគួរឲ្យបារម្ភមួយសម្រាប់មនុស្សគ្រប់គ្នាមិនថាមនុស្សប្រុស រឺស្រីនោះទេ។ បញ្ហាមួយនេះតែងតែធ្វើឲ្យមនុស្សមានការខ្មាស់អៀនជាខ្លាំង ហើយវាក៏ជះឥទ្ធិពលដល់ការប្រាស្រ័យទាក់ទងគ្នាជារៀងរាល់ថ្ងៃផងដែរ។ ស្របពេលដែលមានផលិតផលខ្លះអាចដោះស្រាយបញ្ហានេះ តែវានឹងផ្តល់ផលអវិជ្ជមានត្រឡប់មកវិញជាមិនខាននៅពេលដែលប្រើប្រាស់វាក្នុងរយៈពេលយូរ។ បែបនេះហើយគួរតែបង្វិលការចាប់អារ្មណ៍មកលើវិធីបំបាត់ក្លិនខ្លួនតាមបែបធម្មជាតិវិញទើបជាការល្អ។ ក្នុងអត្ថបទនេះនឹងលើកឡើង ៣វិធីងាយៗដែលមានប្រសិទ្ធភាពសម្រាប់កំចាត់ក្លិនអាក្រក់ទាំងនេះ។

១ ព្យាយាមរក្សាអានាម័យខ្លួនឯងឲ្យបានខ្ពស់

ចំណុចនេះទាមទារឲ្យមនុស្សដែលមានបញ្ហាក្លិនខ្លួន ងូតទឹកសម្អាតឲ្យបានញឹកញាប់ជាប្រចាំ។ ក្រៅពីងូតទឹកជាប្រចាំ ចាំបាច់ណាស់ត្រូវជូតសម្អាតខ្លួនឲ្យបានស្ងួតល្អ ជាពិសេសរាល់ចំណុចដែលមានក្លិនមិនល្អដូចជាបរិវេណក្លៀកជាដើម។ ផ្សេងពីនេះយើងក៏អាចកាត់បន្ងយក្លិនមិនល្អនៅកន្លែងមួយចំនួនបានផងដែរ ដោយអាចធ្វើបានតាមរយៈការកោររោមក្លៀក នឹងការសម្អាតផ្នែកខាងក្នុងនៃស្បែកជើងរបស់អ្នក។ ចំណុចបន្ទាប់ដែលត្រូវធ្វើនោះគឺថា ត្រូវប្តូរមកស្លៀកពាក់ខោអាវប្រភេទសាច់កប្បាសវិញដើម្បីឲ្យមានខ្យលគ្រប់គ្រានចេញចូលដើម្បីកាតើបន្ថយការញើស និងត្រូវតែជៀសវាងការពាក់ស្បែកជើងជិតៗជាមួយស្រោមជើងមួយរយៈសិនទើបជាការល្អ។

២ បង្កើនបែបបទនៃការរស់នៅរបស់អ្នក

ទំលាប់បែបបទរស់នៅដែលមិមល្អការពីមុនដូចជា ការជក់បារីត្រូវតែកាត់ផ្តាច់ឲ្យបានទាំងស្រង់ព្រោះវាក៏ជាមូលហេតុដែលធ្វើឲ្យមានក្លិនខ្លួនផងដែរ។ ហើយត្រូវពិសារទឹកឲ្យបានច្រើនជាប្រចាំព្រោះថាវាអាចជួយថែរក្សាសុខភាពស្បែកបានទៀតផង។ ក្រៅពីនេះត្រូវតែបជ្ឈប់ការបរិភោគប្រភេទអាហារសំបូរជាតិខ្លាញ់ និងខ្ទឹមឲ្យបានរឹតតែជាការល្អហើយត្រូវបង្វែរមកពិសារបន្លែធម្មជាតិពណ័បែតងដែលសំបូរទៅដោយជាតិ ក្លរ៉ូហ្វីលវិញទើបជាជំរើសដែលល្អ។ លើសពីនេះគួរតែស្វែងរកផលិតផលទប់ស្កាត់កុំឲ្យញើសចេញច្រើនណាដែលផលិតពីធម្មជាតិពិតៗដើម្បីទប់ស្កាត់ក្លិនខ្លួន។

៣ យល់ដឹងឲ្យច្បាស់ពីបញ្ហាក្លិនខ្លួន

ចំណុចចុងក្រោយដែលត្រូវធ្វើនោះគឺថាអ្នកដែលមានបញ្ហាក្លិនខ្លួនត្រូវតែយល់ដឹងឲ្យច្បាស់នូវមូលហេតុពិតប្រាកដដែលធ្វើឲ្យមានក្លិនខ្លួនមិនល្អកើតឡើងបែបនេះ។ ក្រៅពីនេះត្រូវតែដឹងឲ្យច្បាស់ថា កន្លែងណាខ្លះនៃខ្លួនប្រាណដែលតែងតែបង្កើតក្លិនខ្លួនបែបនេះ។ កន្លែងទាំងនោះភាគច្រើនជាកន្លែងដែលបញ្ចេញញើសច្រើនដូចជា ជើង ក្រលៀន ក្លៀក ប្រដាប់ភេទ និងកន្លែងផ្សេងទៀតដែលសំបូរទៅដោយរោម។ ក្រៅពីនេះត្រូវតែដឹងពីកត្តាផ្សេងៗទៀតដែលធ្វើឲ្យមានក្លិនខ្លួនផងដែរ។ ចំណុចចុងក្រោយត្រូវតែដឹងឲ្យច្បាស់ថាបញ្ហាក្លិនខ្លួននេះអាចព្យាបាលបានដោយខ្លួនឯងដែររឺទេ បើសិនជាមិនអាចទេនោះត្រូវតែទៅជួបពិគ្រោះជាមួយគ្រូពេទ្យជំនាញដើម្បីដោះស្រាយ។

ប្រភព៖ WikiHow

អត្ថបទដោយ៖ ប៉ោ គឹមហុក

ចំណុចដែលគួរតែដឹងពី ‘ជំងឺបាក់ទឹកចិត្ត’ (Depression)

idea share 5:38 AM depression , friends , hobbies , Lifestyle , sadness , surrounding

បើសិនជាខ្លួនអ្នកផ្ទាល់មិនធ្លាប់មានជំងឺនេះ អ្នកនឹងមិនដឹងថាវាលំបាកយ៉ាងណាទេទោះបីជាអ្នករស់នៅជាមួយអ្នកដែលមានជំងឺនេះក្តី ក៏មិនអាចយល់ពីអាការៈផ្ទាល់ដែរ។

មើលនឹងភ្នែកផ្ទាល់ពួកគេមិនមានអ្វីប្លែកពីអ្នកដទៃនោះទេ ប៉ុន្តែអ្វីដែលគួរអោយកត់សំគាល់គឺ ភាពក្រៀមក្រំដែលមាននៅលើទឹកមុខរបស់ពួកគេក្នុងរយៈពេលយូរ ឬធ្វើអ្វីខុសប្លែកដែលគួរអោយកត់សំគាល់។ ការពិតទៅជំងឺបាក់ទឹកចិត្តគឺមិនមែនសំដៅលើចំណុចជាក់លាក់មួយទេ វាមានបញ្ហាច្រើនណាស់ និងការដែលមិនយល់ពីវានោះឯង ។ គ្មាននរណាអាចបញ្ជាក់អោយបានច្បាស់ពី ឬសគល់របស់វា ការធ្វើទុក្ខរបស់វា និងពីមូលហេតុដែលវាខុសគ្នាសំរាប់មនុស្សម្នាក់ៗ ។ ដូច្នេះអ្វីដែលអាចនិយាយបានគឺ បញ្ហាមួយចំនួួនដែលទាល់តែអ្នកឆ្លងកាត់រាយរាប់ប្រាប់៖

Photo credit : Upworthy

‘ជំងឺបាក់ទឹកចិត្ត’មិនមែនជាក្តីទុក្ខព្រួយនោះទេ

វាខុសគ្នាត្រង់ បើមិនសប្បាយចិត្ត ឬ ពិបាកចិត្តផ្សេងៗវាប៉ះពាល់ខ្លាំងលើសតិអារម្មណ៍ និងចិត្តមនុស្សយើង ប៉ុន្តែបើបាក់ទឹកចិត្តវិញប៉ះពាល់ដល់រាងកាយទាំងមូលតែម្តង ។ ពេលខ្លះវាធ្វើទុក្ខដល់ថ្នាក់មិនចង់ញាំុអី មិនចង់ក្រោក មិនចង់ដើរ និយាយរួមគឺមិនចង់ធ្វើអ្វីទាំងអស់ទោះជាសកម្មភាពទាំងនោះជាតម្រូវការប្រចាំថ្ងៃរបស់គេក្តី ។ វាពិបាកប៉ុណ្ណានៅពេលដែលត្រូវធ្វើអ្វី មួួយហើយខ្លួនប្រាណជំទាស់មិនធ្វើនោះ វាប្រៀបដូចការអូសឬស្សី បញ្ច្រាស់ចុងអញ្ចឹង ។

‘ជំងឺបាក់ទឹកចិត្ត’ ប្រៀបបានដូចការប្រកួតប្រជែងប្រចាំថ្ងៃ

ជំងឺបាក់ទឹកចិត្ត ជាអ្វីដែលយើងបើកភ្នែកពីដំនេកជាមួយ ។ វាមិនមែនមានន័យថា ជំងឺនេះកើតមានរាល់ថ្ងៃនេះ អាចនិយាយបានថាថ្ងៃនេះ ល្អជាងម្សិលមិញ មានអារម្មណ៍ធម្មតា រីករាយរួសរាយ ដែលអ្នកដទៃអាចសន្មត់ថាយើងមានអាការៈល្អឡើងវិញ ប៉ុន្តែវាមិនពិតនោះទេ ជំងឺបាក់ទឹកចិត្តគ្មានថ្ងៃកំណត់នោះទេ អាចថាថ្ងៃនេះល្អតែថ្ងៃស្អែកអាចនឹងដូចដើមវិញ ដែលអ្នកឆ្លងកាត់មិនអាចកំនត់បាន ។

‘ជំងឺបាក់ទឹកចិត្ត’មានភាពខុសគ្នាពីម្នាក់ទៅម្នាក់

សូម្បីអ្នកវិទ្យាសាស្រ្តក៏មិនដឹងថាអ្វី ដែលធ្វើអោយជំងឺនេះមានភាពខុសគ្នាពីម្នាក់ទៅម្នាក់ដែរ។ យ៉ាងណាមិញ គេប៉ាន់ស្មានថាវាអាចបណ្តាលមកពី ការខុសគ្នានូវបរិស្ថានជំុវិញខ្លូន ស្ថានភាពគ្រួសារ ខួរក្បាលរបស់ពួកគេ និងបញ្ហាដែលតែងជួបប្រទះរៀងខ្លួន។

ការបាក់ទឺកចិត្ត គឺមិនមែនត្រឹមតែមានទុក្ខព្រួយ និងមានថ្ងៃមិនល្អជាប់ៗគ្នានោះទេ វាពិបាកលើសនឹងទៀត ។ វាប្រៀបបានដូចមានឡានមកបុកចំខ្លួនប្រាណ មិនអាចធ្វើអ្វីកើតអញ្ចឹង ដែលពេលខ្លះមិនអាចទាំងបរិយាយវាបានទៀត ។

បើសិនជាវាជាជំរើសដែលគេអាចរើសបាន នឹងគ្មាននរណាព្រមរើសវានោះ ទេ ដូច្នេះអ្នករាល់គ្នាគួរយល់ពី អារម្មណ៍អ្នកដែលមានវិបត្តិនេះផង ព្រោះអ្នកមិនដឹងថាពួកគេលំបាកប៉ុណ្ណាក្នុងការគ្រប់គ្រងវានោះទេ ។ លើសពីនេះការយោគយល់របស់អ្នក ប្រហែលជាអាចជួយសំរួលអារម្មណ៍របស់ពួកគេបន្តិចដែរ ។

អត្ថបទដោយ៖ ហ៊ុន កែវលីដែត

Library Khmer

Contributors

Breaking News

Recent

Author

Random

Flickr

Ads

Labels

Technology

October 2016