អាហារូបករណ៍សិក្សាថ្នាក់បរិញ្ញាបត្រសម្រាប់និស្សិតអាស៊ាននៅប្រទេសញូវហ្សេលែន!

អាហារូបករណ៍នេះមានគោលបំណងចង់លើកស្ទួយឱកាសសិក្សាដល់យុវនិស្សិតអាស៊ានជាច្រើនរូបដោយផ្តល់នូវគុណភាពនៃការអប់រំខ្ពស់ និងភាពជាអ្នកដឹកនាំប្រកបដោយគុណតម្លៃ។

រយៈពេលអាហារូបករណ៍៖ មួយឆ្នាំ

ថ្ងៃផុតកំណត់ទទួលពាក្យ៖ ៣១ តុលា ២០១៦

ចំនួនអាហារូបករណ៍ផ្តល់អោយ៖ ៥ កន្លែង

លក្ខខណ្ឌជ្រើសរើស៖ បេក្ខជនត្រូវ

ជាពលរដ្ឋរបស់អាស៊ានដែលរួមមានប្រទេសប្រ៊ុយណេ កម្ពុជា ឥណ្ឌូនេស៊ី ឡាវ មីយ៉ាន់ម៉ា ម៉ាឡេស៊ី ភីលីពីន សឹង្ហបុរី ថៃ និងវៀតណាម
មានកំណត់ហេតុពិន្ទុសិក្សាល្អប្រសើរនៅថ្នាក់វិទ្យាល័យឬកម្មវិធីសិក្សាថ្នាក់មូលដ្ឋាននៃសាកលវិទ្យាល័យ
បំពេញគ្រប់តម្រូវការសម្រាប់ចុះឈ្មោះចូលរៀនថ្នាក់បរិញ្ញាបត្រនៅសាកលវិទ្យាល័យ Victoria University of Wellington ឆ្នាំ២០១៧
បំពេញគ្រប់លក្ខខណ្ឌដាក់ពាក្យសម្រាប់ថ្នាក់សិក្សាបរិញ្ញាបត្រនៅសាកលវិទ្យាល័យ Victoria University of Wellington ឆ្នាំ២០១៧ ចំពោះនិស្សិតអន្តរជាតិ
ចុះឈ្មោះរៀនសម្រាប់ការសិក្សាឆ្នាំទីមួយថ្នាក់សិក្សាបរិញ្ញាបត្រនៅសាកលវិទ្យាល័យ Victoria University of Wellington ឆ្នាំ២០១៧
មានអាយុក្រោម ២៣ឆ្នាំ (គិតដល់ថ្ងៃទី៣១ ធ្នូ ២០១៦)
មានលទ្ធភាពក្មុងការរក្សាវីស្សារបស់និស្សិត
មានភស្តុតាងកំណត់ហេតុសិក្សាច្បាស់លាស់ដើម្បីបំពេញតម្រូវការចុះឈ្មោះ
បំពេញតម្រូវការភាសាអង់គ្លេសរបស់សាកលវិទ្យាល័យសម្រាប់ថ្នាក់សិក្សាបរិញ្ញាបត្រ
មិនធ្លាប់មានប្រវត្តិស្នាក់នៅ ធ្វើចំណាកស្រុក ឬជាពលរដ្ឋនៃប្រទេសញូវហ្សេលែន

តើនិស្សិតអាចដាក់ពាក្យបានតាមរយៈណា?

ការដាក់ពាក្យនឹងចាប់បើកទទួលក្នុងអំឡុងខែកញ្ញានិងតុលា។ការដាក់ពាក្យមិនតម្រូវអោយបង់ប្រាក់ទេ។
បេក្ខជនគួរតែដាក់មកជាមួយនូវសំណុំឯកសារពាក់ព័ន្ធ ដែលមិនមែនជាឯកសារទាំងឡាយណាដែលបានរួមបញ្ចូលក្នុងសំណុំដាក់ពាក្យចូលរៀន
ពាក្យចូលរៀនអាចរកបាននៅ Application Form

បកប្រែ និងសរសេរដោយ៖ ចន ច័ន្ទបូតា

ប្រភពពត៌មាន៖ khmer-online.com