រកឃើញអ្នកសាកបង្គន់មាសមុនគេហើយ!!!

លោក Chris Perez អ្នកយកព័ត៌មានរបស់ New York Post គឺជាមនុស្សដំបូងគេបង្អស់ ដែលបាន ឡើងសាកបង្គន់ស្រោបមាស ១៨ ការ៉ាត់ដែលជាស្នាដៃរបស់សិល្បករ Maurizio Cattelan បានដាក់តាំងបង្ហាញនៅសារមន្ទីរក្នុងទីក្រុងញូវយ៉ក សហរដ្ឋអាមេរិក ។

លោកបានសំដែងអារម្មណ៍ទាំងក្តីរំភើបថា រូបលោកប្រៀបដូចជាព្រះមហាក្សត្រ នៅសារមន្ទីរ Guggenheim Museum នោះអ៊ីចឹង។ គាត់បាននិយាយថា "ខ្ញុំពិតជារកអ្វីថ្លែងមិនបាន តែខ្ញុំមានអារម្មណ៍ភ័យតិចតួច ដោយសារតែនេះគឺជាបង្គន់ធ្វើពីមាស"។ តែលោកបាកបញ្ជាក់ថា ក្រដាសនៅក្នុងបង្គន់ស្រោបមាសនេះ មានសំភាពគ្រើមៗ និងធម្មតា។

គួរបញ្ជាក់ប្រាប់ថា ប្រសិនបើអ្នកចង់ចូលទៅបង្គន់នោះបត់ជើងធំតូច អ្នកត្រូវបង់ប្រាក់ ២៥ ដុល្លារដើម្បីមានសិទ្ធិចូលទៅប្រតិបត្តិការ។ លោក Chris Perez បានប្រាប់ថា រូបលោកបានចំនាយពេលចូល រហូតទៅដល់ ២០ នាទីទើបចេញមកវិញ ដោយបត់ជើងផង ថត Selfies ផងដើម្បីឱ្យអស់ថ្លៃ ២៥ ដុល្លារដែលលោកបានចំនាយតែម្តង។